Qazaqstan quramasy bendıden Álem chempıonatynyń qola júldegeri atandy
ASTANA. QazAqparat - Reseıdiń Irkýtsk qalasynda ótken bendıden álem chempıonatynda Qazaqstan quramasy qola júldege ıe boldy. Bul týraly alaman.kz habarlady.
Saıttyń málimetinshe, bizdiń qurama úshinshi oryn úshin ótken kezdesýde Fınlıandııany utty - esep 5:3.
Qazaqstan jartylaı fınalda Shvetsııaǵa jol bergen, esep - 3:4. Reseı men Shvetsııa altynǵa talasqan dodada reseılikter jeńis tuǵyrynan kórindi. Álemdik deńgeıdegi básekeniń qola júldesin Qazaqstan osymen besinshi ret ıelenip otyr.
