Qazaqstan quramasy Belarýspen joldastyq match ótkizedi
ASTANA. QazAqparat - Belarýs Respýblıkasy hokkeı federatsııasynyń bas hatshysy ıAroslav Zavgorodnıı Belarýs quramasynyń Qazaqstan komandasymen joldastyq oıyn ótkizý týraly josparyn málimdedi, dep habarlaıdy Sports.kz.
«Josparlardy shuǵyl túrde qaıta qaraý kerek boldy: Ońtústik Koreıadaǵy aldyn ala josparlanǵan týrnır ótpeıtin boldy. Ony jeltoqsan aıynda eki ret ótetin Qazaqstan quramasymen joldastyq kezdesýge almastyrýǵa týra keldi.
Qańtar jáne aqpan aıynda reseıliktermen sheshýshi kezdesý ótkizemiz. Qysqy oıyndarǵa daıyndyq retinde ulttyq quramamen taǵy bir match jáne onyń rezervtik quramasymen taǵy bir oıyn bolady. Úzdik altylyqqa kiretin taǵy bir quramamen match ótkizý týraly yqtımal kelisim bar. Biraq, ol týraly qazir aıtý erte, sebebi áli talqylanyp jatyr. Biraq, qazirdiń ózinde jaman emes sııaqty», - dep keltiredi Zavgorodnııdiń sózin «Pressbol».
