Qazaqstan quramasy álemdik Gran-prıge qatysady

Osy joly qazaqstandyq voleıbolshylar alǵash ret ekinshi topta óner kórsetedi. Sebebi týrnırdiń sxemasy ózgergen edi. Jańa dıvızıonda birshama qıyndaý bolady. Sebebi quramanyń sapynda jaraqat alyp qalǵandar az emes. Alaıda ótken jylǵy týrnır kezinde týra sondaı qıyndyqtar bolǵan. Soǵan qaramastan, voleıbolshylarymyz fınalǵa deıin jetip, ekinshi dıvızıonǵa ilikti.

Negizi, bıylǵy týrnırdiń aldynda komandanyń myqty degen sportshylarynyń birazy jaraqat alyp qaldy. Buǵan deıin Halyqaralyq voleıbol federatsııasy Qazaqstan quramasyna álemdik Gran-prıge qatysýǵa ruqsat bermegen. Sebebi Bolgarııanyń Rýse qalasyna on-aq sportshy baratyndyǵyn aıtqan. Alaıda federatsııasymen ótkizgen kelissózderden keıin qazaqstandyq sportshylarǵa barýǵa ruqsat berildi. Osylaısha, aldaǵy týrnırge Lıýdmıla Isaeva, Ekaterına Jdanova, Dıana Kempa, Natalıa Akılova, Irına Kenjebaeva, Katerına Tatko, Radmıla Beresneva, Antonına Rýbtsova, Álııa Batquldına men Tatıana Fendrıkova attandy. Isaeva jarysqa barsa da, jaraqatyna baılanysty oınaı almaıdy. Budan bólek, Irına Lýkomskaıa, Korınna Ishımtseva, Krıstına Anıkonova men Sana Anarqulova jarysqa shyqpaıtyn boldy.

Bapkerlerdiń aıtýynsha, álemdik Gran-prıdiń birinshi kezeńinde qıyn bolady. Alaıda Almatyda ótetin ekinshi kezeń kezinde komandaǵa Alla Bogdashkına men Alesıa Safronova qosylýy ábden múmkin.

Voleıboldan álemdik Gran-prı. Qazaqstan quramasy qatysatyn oıyndardyń tizimi. Ekinshi top.

1-kezeń. A2 toby. Bolgarııa, Rýse qalasy

7 shilde
23:10 Qazaqstan - Bolgarııa

8 shilde

19:40 Qazaqstan - Germanııa

9 shilde
19:40 Qazaqstan - Ońtústik Koreıa

2-kezeń. D2 toby. Qazaqstan, Almaty

14 shilde
17:10 Qazaqstan - Germanııa

15 shilde
17:10 Qazaqstan - Kolýmbııa

16 shilde
17:10 Qazaqstan - Horvatııa

3-kezeń. H2 toby. Oństústik Koreıa, Sývon qalasy

21 shilde
13:00 Qazaqstan - Oństústik Koreıa

22 shilde
13:30 Qazaqstan - Polsha

23 shilde
13:30 Qazaqstan - Kolýmbııa

«Tórttiktiń fınaly». Chehııa, Ostrava

29-30 shilde.