Qazaqstan quramasy 15-shi búkilálemdik polıtseıler men órt sóndirýshiler oıyndarynda 13 medalǵa qol jetkizdi - 5 altyn, 3 kúmis jáne 5 qola
ASTANA. 10 tamyz. QazAqparat - Búgin Soltústik Irlandııanyń astanasy Belfast qalasynda ótken 15-shi búkilálemdik polıtseıler men órt sóndirýshiler oıyndary aıaqtaldy.
Bes sportshy-polıtsııa qyzmetkerinen turatyn Qazaqstan quramasy bul halyqaralyq jarysta 13 medaldy (5 altyn, 3 kúmis jáne 5 qola) enshiledi, dep habarlady komandanyń baspasóz qyzmeti.
15-shi búkilálemdik polıtseıler men órt sóndirýshiler oıyndary 2013 jylǵy 1-10 tamyz aralyǵynda Soltústik Irlandııanyń astanasy Belfast qalasynda ótti. Oıyndarǵa álemniń 67 elinen shaqyrylǵan 20 myńǵa jýyq adam, sonyń ishinde quqyq qorǵaý organdarynyń 10000-ǵa jýyq qyzmetkeri qatysty. Sportshylar 56 sport túri boıynsha synǵa tústi. Kelesi oıyndar 2015 jyly Vashıngtonda (AQSh) ótedi.
