Qazaqstan quramasynyń qorjynyna úshinshi júlde tústi
ASTANA. KAZINFORM — Asylym Jaqııa jasóspirimder arasyndaǵy álem chempıonatynyń jeńimpazy atandy.
Qazaqstan quramasy Germanııanyń Zýl qalasynda ótip jatqan oq atý sportynan jasóspirimder arasyndaǵy álem chempıonatynda kezekti medal jeńip aldy.
Altyn júldeni Asylym Jaqııa ıelendi. Qazaqstandyq sportshy 25 metr qashyqtyqtan standartty shaǵyn kalıbrli tapanshamen oq atýdan 554 upaı jınap, álem chempıony atandy.
Ekinshi oryndy 552 upaımen úndistandyq Shaýlıa Dılıp Bharne ıelendi. Úzdik úshtikti taǵy bir Úndistan ókili Rııa Dýggal (552 upaı) túıindedi.
Aıta keteıik, Jaqııanyń altyn medali Qazaqstan quramasynyń osy álem chempıonatyndaǵy úshinshi júldesi boldy. Buǵan deıin stend atýdan áıelder quramasy «trap» dıstsıplınasynda altyn medal jeńip alsa, Rınat Kazachenko nysana kózdeýden kúmis júldege qol jetkizgen edi.
Aıta ketelik stend atýdan álem chempıonatynda Qazaqstan quramasy altyn medal jeńip alǵan edi.
