Qazaqstan quramasynyń basketbolshylary FIBA irikteý týrnırine qatysady

ASTANA. KAZINFORM – Basketboldan 18 jasqa deıingi Qazaqstan quramasy Azııa chempıonatynyń irikteý týrnırinde baq synaıdy. 

Ulttyq olımpıadalyq komıtettiń málimetinshe, Ortalyq Azııa basketbol qaýymdastyǵynyń U18 jasóspirimder arasyndaǵy FIBA irikteý týrnıri Qyrǵyzstannyń Bishkek qalasynda ótedi. 

Jarys 8-12 shilde aralyǵyna josparlanǵan. 

Atalmysh dodaǵa Qazaqstan, Ózbekstan jáne Qyrǵyzstan quramalary qatysady.

Іrikteýdiń alǵashqy oıynynda Qazaqstan quramasy Ózbekstanmen kezdesedi. Match 11 shilde kúni ótedi.