Qazaqstan quramasynyń bas bapkeri Ýelsten jeńilý sebebin túsindirdi

ASTANA. KAZINFORM — Fýtboldan Qazaqstan ulttyq quramasynyń bas bapkeri Álı Álıev 2026 jylǵy álem chempıonatyna irikteý kezeńi aıasynda Ýels quramasyna qarsy ótken matchty qorytyndylady, dep habarlaıdy Kazinform tilshisi.

«Astana Arenada» ótken oıyn 0:1 esebimen qonaqtardyń paıdasyna aıaqtaldy.

Bapkerdiń aıtýynsha, Qazaqstan quramasynda gol soǵýǵa múmkindik bolǵanymen, qarsylas tarap óz múmkindikterin jaqsy paıdalana bildi. Sonymen qatar, ol Islamnyń oınamaý sebebin de túsindirdi.

— Islam jaraqat alǵan edi, sondyqtan biz ony Belgııamen bolatyn matchqa saqtap qaldyq. Búgin ony alańǵa shyǵarmaý týraly sheshim qabyldadyq. Oıynshylarǵa eshqandaı ókpe joq — barlyǵy adal oınap, qoldan kelgenin jasady, — dep atap ótti Álıev.

Sondaı-aq, ol bul kezdesýdiń fýtbolshylar úshin de, jankúıerler úshin de naǵyz synaq bolǵanyn atap ótti.

— Emotsııalyq qysym óte joǵary boldy, jankúıerlerdiń kóńil-kúıin túsinemiz. Bizde 3–4 jaqsy múmkindik boldy, komanda tyrysty. Biraq qarsy aldymyzda «Tottenhem» men «Fýlhem» klýbtarynyń oıynshylary bar Ýels quramasy turdy. Jigitterge jankeshti oıyny úshin alǵys aıtamyn, — dedi ol.

Álıevtiń aıtýynsha, Qazaqstan quramasy bul oıynda eshqandaı qorqynyshsyz oınap, qarsylasqa beıimdelýge tyrysqan.

— Ýels qandaı taktıka qoldanatynyn bilmedik. Alǵashqy 20 mınýtta qarsylasty baqyladyq, biraq bárin tezirek uqqymyz keldi. Sheshýshi sátterde sýyqqandy áreket jetispedi. Men Kenjebekovty aýystyryp, shabýylǵa serpin berý úshin Chesnokovty shyǵardym. Ol oıyndy jaqsy kúsheıtti, — dedi bas bapker.

Qazaqstan quramasy kelesi oıynyn 7 qyrkúıekte Brıýsselde Belgııa quramasyna qarsy ótkizedi.

Eske salsaq, Qazaqstan quramasy Ýelske ese jiberdi.