Qazaqstan quramasynyń Azııa chempıonatyna qatysatyn quramy anyqtaldy
ASTANA. KAZINFORM - Qazaqstan ulttyq quramasynyń bapkerler shtaby Azııa chempıonatyna arnalǵan komanda quramyn anyqtady.
Týrnır 5-8 qarasha aralyǵynda Ońtústik Koreıanyń Chondjý qalasynda ótedi,.
Negizgi tizimde 23 hokkeıshi bar. Tizimge 20 oıynshy jáne 3 qaqpashy engizilgen.
Qazaqstan quramasynyń tizimi
Qaqpashylar: Anton Osokın, Sergeı Kýdrıavtsev (ekeýi de - «Torpedo»), Vladıslav Nýrek («Nomad»);
Qorǵaýshylar: Stepan Aleksandrov, Danıl Býtenko, Fedor Horoshev (bári - «Torpedo»), Artem Korolev, Aleksandr Makarov, Kırıl Nıkıtın, Rýslan Týsýpbekov (bári - «Nomad»), Edýard Mıhaılov («Saryarqa»);
Shabýylshylar: Artýr Gatııatov, Dmıtrıı Grents, Dıas Gýseınov, Saıan Danııar, Maksım Muhametov (bári - «Torpedo»), Artýr Gross, Abaı Mańǵysbaev, Aleksandr Mıgýnov, Nıkıta Merzlıkın (bári - «Nomad»), Aleksandr Borısevıch («Saryarqa»), Evgenıı Rymarev («Almaty»), Oskar ıÝlbarısov («Gornıak»).
Qazaqstannyń hokkeı federatsııasy aldaǵy týrnırge qatysatyn ulttyq quramanyń jattyqtyrýshylar shtabyn jarııalady. Qazaqstan quramasynyń bas bapkeri qyzmetin «Barys» komandasynyń ókili Talǵat Jaılaýov atqarady.
Bapkerdiń kómekshileri retinde klýb júıesiniń ókilderi Konstantın Pýshkarev pen Roman Starchenko jumys isteıdi. Sonymen qatar shtab quramyna qaqpashylar bapkeri Aleksandr Smelıanets, dene daıyndyǵy jónindegi bapker Igor Elıseev jáne vıdeo bapker Vladıslav Belan engizildi.
Oıyndar kestesi (Qazaqstan ýaqytymen)
5 qarasha, 12:00. Japonııa - Qazaqstan
7 qarasha, 13:30. Qazaqstan - Qytaı
8 qarasha, 13:30. Qazaqstan - Ońtústik Koreıa.
Talǵat Jaılaýov qazir «Barys» komandasynyń jattyqtyrýshylar shtabynda qyzmet etedi. Munda ol buǵan deıin de 2023 jyldyń jeltoqsanynan 2024 jyldyń qazanyna deıin jumys istegen. 2024 jylǵy Olımpıadalyq irikteý týrnırinde, 2025 jylǵy Azııa chempıonatynda, sondaı-aq 2025 jylǵy álem chempıonatynda ulttyq quramanyń bas bapkeriniń kómekshisi boldy. Hokkeıshi retinde jasóspirimder, jastar jáne ulttyq quramalar sapynda óner kórsetti.
Eresekter quramasynda 2006 jyly debıýt jasap, 9 álem chempıonatyna, úsh olımpıadalyq irikteý týrnırine jáne 2007, 2011 jyldardaǵy Azııa oıyndaryna qatysty. IIHF aıasynda 59 resmı match ótkizgen. Ár jyldary ózi túlep ushqan klýby «Qaztsınk-Torpedo», «Barys» jáne «Nomad» komandalarynda oınady. Oıynshy retindegi mansabyn 2020 jyly Qaraǵandynyń «Saryarqa» klýbynda aıaqtady.
Eske salsaq, shaıbaly hokkeıden Qazaqstan áıelder quramasy 2026 jylǵy Azııa chempıonatynyń qola júldegeri atandy.
