Qazaqstan quramasynyń altyn medal sany 32-ge jetti
ASTANA. KAZINFORM — VI Dúnıejúzilik kóshpendiler oıyndarynyń altynshy jarys kúninde Qazaqstan quramasy el qorjynyna kezekti júldelerin salyp, altyn medal sanyn 32-ge jetkizdi.
Búgin sportshylar kókpar, kókbóri, toǵyzqumalaq, mangala jáne ovarı boıynsha júldelerge talasty.
Zııatkerlik sport túrlerinen jarystar Oıyndardyń alǵashqy kúninen bastalyp, búgin sheshýshi kezeńder ótti. Toǵyzqumalaqtan Qazaqstan quramasy joǵary nátıje kórsetip, 4 altyn jáne 2 kúmis medal jeńip aldy.
Mangala jarysynda da el sportshylary sátti óner kórsetti. Qazaqstan quramasynyń músheleri 2 altyn, 2 kúmis jáne 1 qola medal ıelendi.
Afrıka halyqtarynyń dástúrli zııatkerlik oıyny — ovarıden de qazaqstandyq sportshylar júldesiz qalmady.
Kókbóriden ótken fınaldyq kezdesýde Qazaqstan men Qyrǵyzstan quramalary ózara synǵa tústi. Qyrǵyzstanda keńinen damyǵan jáne eldiń dástúrli ulttyq sport túrleriniń biri sanalatyn kókbóriden qyrǵyz quramasy sheshýshi oıynda basym túsip, altyn medal ıelendi. Qazaqstan quramasy kúmis júldeger atandy.
Osylaısha, VI Dúnıejúzilik kóshpendiler oıyndarynda Qazaqstan quramasynyń enshisindegi altyn medal sany 32-ge jetti.
Aıta ketelik «Gúlder» ansambli Dúnıejúzilik kóshpendiler oıyndarynyń «Etno-bı» baıqaýynda Gran-prı ıelengen edi.
