Qazaqstan quramasyndaǵy eki balýan U17 álem chempıonatynyń jartylaı fınalyna shyqty
ASTANA. KAZINFORM – Búgin, 27 shildede, Ázerbaıjannyń Baký qalasynda kúres túrlerinen U17 jas sanatynda álem chempıonaty bastaldy.
Alǵash bolyp bozkilemge grek-rım kúresiniń balýandary shyqty.
48 kelige deıingi salmaqta Álı Almas shırek fınalda qyrǵyzstandyq Abdyshýkýr Dýrýsalıevti jeńdi. Endi otandasymyz 1/2 fınalda armenııalyq Ararat Avetısıanmen beldesedi.
Sondaı-aq Dııar Amanáli 55 kelige deıingi salmaqtyń shırek fınalynda Georgıı Kedelıdzeni jeńdi. Osylaısha jartylaı fınalda bolgarııalyq Danımır Iordanovpen kúsh synasady.
QR UOK málimetinshe, jartylaı fınaldyq básekeler búgin ótedi.
Aıta keteıik, 2026 jyldyń birinshi jartyjyldyǵy otandyq kúres úshin jarqyn jeńisterge, tarıhı nátıjelerge jáne ulttyq quramanyń áleýetin aıqyn kórsetken mańyzdy kezeńge aınaldy.
