Qazaqstan quramasynan úsh balýan jasóspirimder Azıadasynyń fınalyna ótti

ASTANA. KAZINFORM – 28 qazanda Bahreınniń Manama qalasynda ótip jatqan Azııa oıyndarynda erkin jáne áıelder kúresinen jarystar bastaldy.

QR UOK málimetinshe, Qazaqstan quramasynan úsh sportshy fınalǵa joldama aldy.

Qyzdar arasynda 53 kelige deıingi salmaq dárejesinde Sanııa Sultanǵalı jartylaı fınalda taıbeılik Chao-shıh Sıaodan basym tústi.

61 kelige deıingi salmaqta Jaıdar Muqat japon sportshysy Vakı Avanony jeńdi.

Al erler arasynda Bekasyl Asambek shıelenisken jartylaı fınalda ırandyq Seıedtahı Hashemıdi 6:4 esebimen jeńdi.

Aıta keteıik, fınaldyq beldesýler 28 qazan kúni ótedi.

Eske salsaq, tas joldaǵy velosporttan Qazaqstan quramasy Manama qalasynda (Bahreın) ótip jatqan jasóspirimder arasyndaǵy Azııa oıyndarynda úshinshi medalin jeńip aldy.

On boksshy jasóspirimder Azıadasynyń jartylaı fınalyna shyqty.

Aýyr atletıkadan Qazaqstan quramasynyń ókili Álıhan Áskerbaı Bahreınniń Manama qalasynda ótip jatqan jasóspirimder arasyndaǵy Azııa oıyndarynda top jardy.