Qazaqstan quramasy júzýden Islam yntymaqtastyǵy oıyndarynyń kúmis júldegeri atandy

ASTANA. KAZINFORM — Qazaqstan erler quramasy júzýden Er-Rııadtaǵy (Saýd Arabııasy) Islam yntymaqtastyǵy oıyndarynda kúmis medalǵa ıe boldy.

QR UOK málimetinshe, sportshylar 4×100 metrge erkin stılde júzý estafetasynda ekinshi orynǵa jaıǵasty.

Ádilbek Mýsın, Ǵalymjan Balabek, Aıbat Myrzamuratov, Gleb Kovalenıa jáne Danııl Cherepanov jeńis tuǵyrynyń ekinshi satysyna kóterildi.

Altyn medal Túrkııa quramasyna buıyrdy, al Ózbekstan úzdik úshtikti túıindedi.

Aıta keteıik, júzýden Qazaqstan áıelder quramasynyń ókili Sofıa Spodarenko Er-Rııadta (Saýd Arabııasy) ótip jatqan Islam yntymaqtastyǵy oıyndarynda top jardy.