Qazaqstan quramasy voleıboldan Azııa kýbogynyń qola júldesine talasady
ASTANA. KAZINFORM — Fılıppınniń Kandon qalasynda voleıboldan áıelder komandalary arasynda ótip jatqan Azııa kýbogynyń fınalyna shyqqan alǵashqy qurama anyqtaldy.
V tobynda birinshi oryn alǵan Qazaqstan komandasy jartylaı fınalda Taıbeımen sheberlik baıqasty.
A tobynda ekinshi oryn alǵanmen, taıbeılikter favorıtter qatarynda edi. Ótken jyly osy jarysta qola júlde úshin básekede qazaqstandyqtar Taıbeıge ese jibergen bolatyn.
Bul joly bas bapker Asqar Shalqybekov baılanystyrýshy Natalıa Hazova, sondaı-aq Tatıana ıAtskıv, Krıstına Belova, ıÝlııa Fomenko, Janna Syroejkına, Aıgúl Múlkibaeva, lıbero Ámına Qyryqbaevaǵa senim artty.
Birinshi partııada qazaqstandyqtar barynsha taıtalasyp baqty, tipti alǵa shyqqan kezderi boldy. Set sońynda esepti qysqarta aldy – 23:25. Alaıda budan keıin taıbeılikter des bermedi – 25:16, 25:14. Qorytyndy esep – 3:0.
A.Shalqybekov oıynshylardy almastyrǵanymen, odan eshteńe ónbedi.
Osylaısha, Taıbeı fınalǵa joldama alsa, Qazaqstan quramasy qola júlde úshin alańǵa shyǵatyn boldy. Qazaqstandyqtar ekinshi jartylaı fınalda kezdesetin Ońtústik Koreıa men Vetnam komandalarynyń qaı jeńilgenimen oınaıdy.
Eske sala keteıik, budan voleıboldan Azııa kýbogynda Vetnamdy jeńgen Qazaqstan quramasynyń óz tobynda birinshi oryn alǵanyn jazǵan edik.
