Qazaqstan quramasy voleıboldan Azııa kýbogynda úzdik bestikke ilikti
ASTANA. KAZINFORM — Úndistannyń Ahmedabad qalasynda voleıboldan erler komandalary arasynda ótip jatqan Azııa kýbogynda Qazaqstan quramasy besinshi orynǵa ıe boldy.
Qazaqstandyqtar besinshi oryn úshin oıynda Taıland komandasymen sheberlik baıqasty.
Birinshi partııa teketirespen ótip, esep 17:17 bolǵannan keıin qazaqstandyqtar tarazy basyn ózderine aýdara bildi – 25:21.
Ekinshi sette bastapqyda taılyqtar alǵa ketkenimen, Sergeı Trıkozdyń shákirtteri esesin jibergen joq – 25:23.
Úshinshi partııa Taılandtyń enshisine jazyldy – 25:22. Degenmen Qazaqstan matchty jeńispen aıaqtaı bildi – 27:25. Qorytyndy esep – 3:1.
Osylaısha, negizinen jastardan jasaqtalǵan Qazaqstan komandasy Azııa kýbogynda úzdik bes quramanyń qataryna kirdi.
Eske sala keteıik, budan buryn voleıboldan Azııa kýbogynda Qazaqstan toptyq básekeni jeńispen túıindegenin jazǵan edik.
