Qazaqstan ústel tennısshileri Tájikstan týrnırinde 6 júlde ıelendi
ASTANA. KAZINFORM — Tájikstannyń Dangar qalasynda ústel tennısinen Tájikstan prezıdentiniń ashyq kýbogy máresine jetti, dep habarlaıdy UOK baspasóz qyzmeti.
Halyqaralyq týrnırde Qazaqstan namysyn Aıdos Kenjiǵulov, Sanjar Jubanov, Saǵantaı Qurmambaev, Yrysbek Artyqmetov, Janerke Kóshkimbaeva, Ánel Baqyt, Angelına Romanovskaıa jáne Gúzel Torshaeva qorǵady. Ulttyq qurama jarysty alty medalmen aıaqtady.
Ánel Baqyt pen Qazaqstan áıelder quramasy komandalyq saıysta altyn júldege ıe boldy. Aıdos Kenjiǵulov, Angelına Romanovskaıa jáne erler quramasy kúmis medal jeńip aldy.
Al Sanjar Jubanov jarysty qola júldemen túıindedi.
Osyǵan deıin 2027 jylǵy ústel tennısinen álem chempıonaty Qazaqstanda ótetinin jazǵan edik.
