Qazaqstan quramasy United Cup týrnıriniń fınalynan tys qaldy

ASTANA. KAZINFORM — Tennısten Qazaqstan quramasy Sıdneıde United Cup týrnıriniń jartylaı fınalynda Polshamen kezdesti.

Kortqa birinshi bolyp dúnıejúzilik reıtıngide 78-orynda turǵan Aleksandr Shevchenko men álemniń 16-raketkasy Hýbert Hýrkach shyqty.

Polıak tennısshisi bir saǵatqa jetpeıtin ýaqyt ishinde 6:3, 6:2 esebimen utty.
Budan keıin reıtıngide 6-satydaǵy Elena Rybakına men álemniń 2-raketkasy Iga Shventekke kezek keldi.

Eki saǵattan astam ýaqytqa sozylǵan tartysty matchta Shventek basymdylyq tanytty — 7:6 (7:5), 6:4.

Osylaısha, 2:0 esebimen alǵa shyqqan Polsha ekinshi ret qatarynan fınalǵa joldama aldy.

Olar ótken jyly fınalda Germanııaǵa ese jibergen edi.

Bıyl Germanııany utqan Qazaqstan alǵash ret jartylaı fınalǵa shyqqan edi.

Eske sala keteıik, budan buryn United Cup týrnırinde Qazaqstannyń jartylaı fınaldaǵy qarsylasy anyqtalǵanyn jazǵan bolatynbyz.