Qazaqstan quramasy Túrkistanda Majarstanmen joldastyq kezdesý ótkizedi

ASTANA. KAZINFORM — Qazaqstan fýtbol federatsııasy ulttyq quramalar arasynda joldastyq match ótkizý jóninde Majarstan fýtbol federatsııasymen kelisimge qol jetkizdi. Bul jóninde federatsııanyń baspasóz qyzmeti málim etti.

Kezdesý 2026 jyldyń 9 maýsymyna belgilengen. Oıyn «Túrkistan Arena» stadıonynda ótedi.

Aldaǵy kezdesý Qazaqstan men Majarstan quramalary arasyndaǵy úshinshi match bolmaq. Buǵan deıingi eki oıynda Qazaqstan quramasy bir jeńiske jetip, bir ret jeńilis tapqan.

Aıta ketsek, 12 aqpanda fýtboldan 2026-27 jylǵy UEFA Ulttar lıgasynyń jerebesi tartyldy.

Otandastarymyz aldaǵy maýsymda S lıgasynyń úshinshi tobynda oınaıtyn boldy. Qarsylastary — Slovakııa, Farer araldary jáne Moldova. 

Al V lıgasynda ekinshi topta Vengrııa, Ýkraına, Grýzııa, Soltústik Irlandııamen sheberlik baıqasady.

Jańa maýsymda 54 ulttyq qurama tórt lıgaǵa bólinedi. Qazaqstan S lıgasynda birinshi sebette Islandııa, Albanııa jáne Chernogorııa quramalarymen birge ornalasqan.

Erejege sáıkes, S lıgasynda 4 quramadan turatyn tórt top qurylady. Ár qurama toptyq kezeńde 6 match ótkizedi. Onyń úsheýi úıde, qalǵan úsheýi syrt alańda bolady. ÝEFA Ulttar lıgasynyń toptyq kezeńi matchtary 2026 jyly qyrkúıek aıynda bastalady. 

Matchtar alty týrǵa bólingen: halyqaralyq terezeler qyrkúıek jáne qazan aılarynda, sondaı-aq qarashada bolady.