Qazaqstan quramasy trıatlonnan Azııa kýbogy kezeńinde eki altyn medal jeńip aldy
ASTANA. KAZINFORM – Qazaqstan jasóspirimder quramasy trıatlonnan Túrkistanda ótip jatqan Azııa kýbogy kezeńinde tórt medal jeńip aldy.
Uldar arasynda Ramazan Áınegov 21:59 nátıjesimen jarysty birinshi bolyp aıaqtap, altyn medal ıelendi. Gor Depershmıdt 22:04 kórsetkishimen ekinshi orynǵa turaqtady. Al Reseı sportshysy Ilıa Zotov 22:12 nátıjesimen úzdik úshtikti túıindedi.
QR UOK málimetinshe, qyzdar arasyndaǵy jarysta Alýa Nurmuhamet 25:26 ýaqyt nátıjesin tirkep, altyn júldege qol jetkizdi. Kalerııa Shnaıder 25:48 nátıjesimen ekinshi oryn aldy. Reseılik Alena Lopatına 25:50 kórsetkishimen úshinshi orynǵa ıe boldy.
Aıta keteıik, bir kún buryn eresekter arasyndaǵy jarysta Arlan Jańabaı kúmis medal jeńip alǵan edi.
Maksım Sajnev Qazaqstannyń U20 rekordyn jańartyp, álem chempıonatynyń fınalyna shyqqanyn jazǵan edik.
