Qazaqstan quramasy tarıhta alǵash ret ústel tennısinen álem chempıonatynyń 1/8 fınalyna shyqty
ASTANA.KAZINFORM - Qazaqstan erler quramasy ústel tennısinen Londonda (Ulybrıtanııa) ótip jatqan komandalyq álem chempıonatynyń shırek fınalyna joldama alý úshin kúresedi.
1/16 fınalda ulttyq qurama Ispanııa komandasymen kezdesti. Alǵashqy matchta Alan Qurmanǵalıev Alvaro Roblesti 3:1 esebimen jeńdi. Odan keıin Kırıll Gerasımenko Hýan Peresti dál osyndaı eseppen utyp, Qazaqstan quramasynyń basymdyǵyn arttyrdy.
QR UOK málimetinshe, ıspanııalyq Danıel Berzosa Aıdos Kenjiǵulovty 3:1 esebimen jeńip, esep aıyrmasyn qysqartty.
Alaıda sheshýshi núkteni Kırıll Gerasımenko qoıdy. Qazaqstandyq sportshy Alvaro Roblesti 3:0 esebimen tize búktirdi.
Qorytyndy esep - 3:1. Osylaısha Qazaqstan quramasy 1/8 fınalǵa joldama alyp, endi Japonııa men Belgııa arasyndaǵy kezdesýdiń jeńimpazymen oınaıdy.
Aıta keteıik, Qazaqstan erler quramasy tarıhta alǵash ret álem chempıonatynyń 1/8 fınalyna shyqty.
Al áıelder quramasy álem chempıonatyndaǵy ónerin aıaqtady. 1/16 fınalda qazaqstandyq sportshylar Shvetsııa quramasyna 1:3 esebimen ese jiberdi.
Aıta keteıik, Italııa astanasy Rım qalasynda áıelder men erler arasynda ótetin qos iri jarystyń jerebesi tartyldy.
