Qazaqstan quramasy taekvondodan Ońtústik Koreıada ótken týrnırde alty medal jeńip aldy

ASTANA. KAZINFORM – Taekvondodan Ońtústik Koreıanyń Mýdjý qalasynda ótip jatqan «World Taekwondo Diamond Game 2025 G-4» týrnırinde Qazaqstan quramasy sátti óner kórsetti, dep habarlaıdy Ulttyq olımpıadalyq komıtet.

Ulttyq qurama aralas komandalyq saıysta fınalǵa deıin jetti. Alaıda sheshýshi kezdesýde Ózbekstannyń B quramasyna 0:2 esebimen ese jiberip, týrnırdi kúmis medalmen aıaqtady.

Ulttyq qurama sapynda Mergen Ǵanıev, Abdýrahmon Marıpov, Kamıla Aımuqaşeva jáne Aıda Táýkenova el namysyn qorǵady.

Sonymer qatar qazaqstandyqtar jekeleı saıysta da júldeli oryndardan kórindi.

Bekasyl Ergesh (80 kelige deıin) jáne Aıaýlym Asqar (67 kelige deıin) kúmis júlde enshilese, Nurbek Ǵazez (68 kelige deıin), Almıra Qanat (57 kelige deıin) qola medal ıelendi.

Osylaısha, Qazaqstan quramasynyń qorjynynda alty medal bar. Buǵan deıin Qazaqstan áıelder quramasy kúmis medalǵa ıe bolǵan edi.

Osyǵan dein qazaqstandyq taekvondoshylardyń Ońtústik Koreıadaǵy týrnırdiń fınalynda baq synaıtynyn jazǵan edik.