Qazaqstan quramasy taekvondodan «Diamond game 2025» týrnırine qatysady
ASTANA. KAZINFORM – 11-13 shilde aralyǵynda Ońtústik Koreıanyń Mýdjý qalasynda «World Taekwondo Diamond Game 2025» halyqaralyq týrnıri ótedi.
Týrnır G-4 sanatyna jatady jáne Dúnıejúzilik taekvondo federatsııasynyń resmı kúntizbesine engizilgen. Bul jarys sportshylarǵa reıtıngilik upaı jınaýǵa múmkindik beredi.
Qazaqstan taekvondo federatsııasy baspasóz qyzmeti el quramasynan atalmysh týrnırde synǵa túsetin sportshylardyń tizimin jarııalady.
Olar:
57 kelige deıin: Qanat Almıra
67 kelige deıin: Aıaýlym Asqar, Aıda Táýkenova
68 kelige deıin: Nurbek Ǵazez
80 kelige deıin: Ergesh Bekasyl
Al komandalyq jáne aralas komandalyq saıysta Mergen Ǵanıev, Abdýrahmon Marıpov, Kamıla Aımýkasheva jáne Aıda Taýkenova baq synaıdy.
Buǵan deıin Qazaqstan erler quramasy taekvondodan álem kýbogynda qola júlde alǵanyn habarlaǵan edik.
