Qazaqstan quramasy sý dobynan álem chempıonatynda Ýrýgvaıdy oısyrata jeńdi
ASTANA. KAZINFORM - Qazaqstan jasóspirimder quramasy sý dobynan Horvatııanyń Zagreb qalasynda ótip jatqan álem chempıonatyndaǵy ónerin jalǵastyryp jatyr.
Úshinshi kezdesýde qazaqstandyq sportshylar Ýrýgvaı quramasyn iri eseppen jeńdi. Match 22:5 esebimen aıaqtaldy.
QR UOK málimetinshe, Qazaqstan quramasynyń oıynshysy Maksım Sasın kezdesýdiń úzdik oıynshysy atandy.
Búgin, 6 tamyzda, Qazaqstan quramasy Túrkııamen kezdesedi.
Eske salsaq, álem chempıonatynyń alǵashqy matchynda ulttyq qurama Mysyrǵa ese jiberse, ekinshi oıynda Sıngapýrdan basym tústi.
Qazaqstan júzýden AQSh-taǵy halyqaralyq týrnırde 17 medal jeńip alǵanyn jazǵan edik.
