Qazaqstan quramasy stend atýdan Dohadaǵy Azııa chempıonatynda qola medal ıelendi

ASTANA. KAZINFORM — Qatar astanasy Dohada stend atýdan Azııa chempıonaty ótip jatyr. Osy jarysta otandastarymyz úzdik úshtikti túıindep, qola júldeni qanaǵat tutty. Bul týraly Sport jáne dene shynyqtyrý isteri komıteti málim etti.

Sıtten aralas juptyq synda baq synaǵan otandastarymyz Ásem Orynbaı men Edýard Eşenko úzdik úshtikti túıindedi. Bul baǵdarlamada Qatar quramasy jeńimpaz bolsa, kúmis Koreıa ókilderine buıyrdy.

Aıta keteıik, qańtardyń 22-ne deıin jalǵasatyn sary qurlyq dodasyna 17 elden 196 atlet qatysyp jatyr. Budan aldyn sportshylarymyz 4 júlde jeńip alǵan bolatyn. Atap aıtaq, skıtten áıelder arasynda Adel Sadaqbaeva altyn, al Olga Haılova qola medal aldy. Sondaı-aq komandalyq básekede arýlarymyz top jarsa, erler quramasy qola júldeni qorjynǵa saldy.

Buǵan deıin Qazaqstan quramasy stend atýdan Azııa chempıonatynyń júldegeri atanǵan bolatyn.