15:55, 27 Tamyz 2025 | GMT +5
Qazaqstan quramasy – stend atýdan Azııa chempıonatynyń júldegeri
ASTANA. KAZINFORM – Búgin Shymkent qalasynda ótip jatqan nysana kózdeý men stend atýdan XVI Azııa chempıonatynda Qazaqstan qorjynyna taǵy bir medal tústi.
Sportty damytý dırektsııasy málimetinshe, trap jattyǵýynda aralas komandalyq saıysta Qazaqstan-1 komandasy sapynda Álisher Aısalbaev pen Aıjan Dosmaǵambetova Úndistan-2 quramasynan basym tústi. Esep: 38-34.
Taǵy bir qola júldege Qytaıdyń Taıpeıi qol jetkizdi. Altyndy Qytaı-2 men Kýveıt-1 komandasy sarapqa salyp jatyr.
Aıta keteıik, bul Álisher úshin sary qurlyq básekesiniń alǵashqy, al Aıjan úshin ekinshi medali.
Shymkent qalasynda ótip jatqan nysana kózdeý men stend atýdan XVI Azııa chempıonatynda taǵy bir otandasymyz aqtyq synda baq synaǵan edi.