Qazaqstan quramasy sporttyq gımnastıkadan Tashkentte úsh júlde jeńip aldy

ASTANA. KAZINFORM – Ózbekstan astanasynda sporttyq gımnastıkadan Challenge Cup kezeńi aıasyndaǵy fınaldyq jarystar ótip jatyr.

21 maýsymda Qazaqstan quramasy úsh birdeı júlde jeńip aldy.

Erler arasynda qossyryqtaǵy jattyǵýlarda Іlııas Ázizov 13.100 upaı jınap, kúmis medal ıelendi. Osy jattyǵýda Dmıtrıı Patanın 12.700 upaımen qola júldege qol jetkizdi. Bul synda altyn medaldi 13.550 upaı jınaǵan Ahrorhon Temırhonov (Ózbekstan) jeńip aldy.

Bórene ústindegi jattyǵýda Kórkem Erbosynqyzy 12.100 upaımen úshinshi orynǵa ıe boldy. Alǵashqy oryndy 13.300 upaımen Kaılııa Nemýr (Aljır) jeńip alsa, ekinshi oryndy Odınahon Robıdjonova (Ózbekstan) 12.500 upaımen enshiledi.

Eske salsaq, buǵan deıin qazaqstandyq gımnastar Tashkenttegi Challenge Cup kezeńinde 6 fınalǵa joldama alǵanyn jazǵan edik.