Qazaqstan quramasy sporttyq gımnastıkadan Azııa chempıonatynda 3 medal jeńip aldy

ASTANA. KAZINFORM – 8 maýsymda Ońtústik Koreıanyń Chechhon qalasynda sporttyq gımnastıkadan Azııa chempıonatynyń sheýshi básekesi ótip jatyr. 

Jarys aıasynda jasóspirimder arasyndaǵy fınaldyq básekeler máresine jetti. Qazaqstan quramasy úsh medal jeńip aldy. 

Qos qazaqstandyq sportshy at snarıadyndaǵy jattyǵýda óner kórsetti. Roman Hegaı tóreshilerdiń sheshimimen 13.800 upaı jınasa, Nurtan Ydyrysov 12.866 upaıǵa ıe boldy. Úzdik úshtikti japonııalyq Harýtoshı Ochaı 12.666 upaımen túıindedi. 

Sondaı-aq Ydyrysov qossyryqtaǵy jattyǵýlarda eń úzdik nátıje kórsetip, 13.933 upaıǵa ıe boldy.

Aıta keteıik, jasóspirimder quramasy komandalyq kópsaıysta úshinshi oryn aldy.