Qazaqstan quramasy sporttyq gımnastıkadan álem kýbogynda eki altyn medal jeńip aldy
ASTANA. KAZINFORM - Majarstannyń Sombatheı qalasynda aıaqtalǵan sporttyq gımnastıkadan álem kýbogynda Ulttyq qurama 2 altyn medal jeńip aldy.
Sportty damytý dırektsııasynyń málimetinshe, fınaldyń alǵashqy kúni tirenip sekirý saıysynda Darıa ıAsınskaıa jattyǵýyn tamasha oryndap, top jardy. Upaı sany - 13.166. Bul – 20 jastaǵy Darıanyń Álem Kýbogyndaǵy alǵashqy júldesi.
Osydan keıin tirenip sekirýden erler arasyndaǵy synda Asan Salımov qarsylastarynan úzdik shyqty. Onyń upaıy - 14.300.
Al tutqaly at snarıadynda fınalǵa shyqqan Azız Ilıasov 4-orynǵa, kerme jattyǵýynda Dıas Toıshybek 5-satyǵa turaqtady.
Aıta keteıik, osymen 2024 jylǵa josparlanǵan Challenge Cup series jarystary aıaqtaldy. Bıyl álem kýbogy Antalıa, Osıek, Varna, Koper jáne Sombatheı qalasynda ótti.
Buǵan deıin Zarına Dııas álemdik reıtıngide joǵary kóterilgenin jazǵan bolatynbyz.
