Qazaqstan quramasy shaıbaly hokkeıden Ýkraınany jeńip, elıtalyq dıvızıonǵa shyqty
ASTANA.KAZINFORM - Shaıbaly hokkeıden Polshanyń Sosnovets qalasynda ótip jatqan I dıvızıonnyń álem chempıonatynda Qazaqstannyń erler quramasy Ýkraınany jeńip, merziminen buryn elıtalyq dıvızıonǵa joldama aldy.
4-týr aıasyndaǵy tartysty oıynda otandastarymyz Ýkraınamen negizgi ýaqyt jáne overtaımda 4:4 esebimen teń túskenimen, býllıt serııasynda sáttilik (2:1) bizdiń jaǵymyzda boldy.
Kezdesý barysynda Vsevolod Logvın, Kırıll Lıapýnov, Roman Starchenko, Batyrlan Muratov mergendik tanytyp, jeńiske úlesterin qosty.
Qazaqstannyń álem chempıonatyndaǵy kórsetkishi: Qazaqstan - Lıtva - 4:1
Qazaqstan - Japonııa - 6:0
Qazaqstan - Polsha - 3:2
Buǵan deıin Qazaqstan quramasy 2021-2025 jyldar aralyǵynda elıtalyq dıvızıonda óner kórsetken edi. Sportty damytý dırektsııasy málimetinshe, endi jerlesterimiz erteń sheshýshi týrda toptaǵy basty favorıttiń biri sanalatyn Frantsııamen sheberlik baıqasady.
Aıta keteıik, 2027 jylǵy jahandyq dodany Germanııanyń Mangeım jáne Dıýsseldorf qalasy qabyldaıdy.
Qazaqstan hokkeı quramasy álem chempıonatyn jeńispen bastaǵanyn jazǵan bolatynbyz.
