Qazaqstan quramasy shaıbaly hokkeıden Azııa chempıony atandy

ASTANA. KAZINFORM - Qazaqstan quramasy shaıbaly hokkeıden Azııa chempıony atandy.

Alǵash ret ótken qurlyqtyq doda Almaty qalasynda uıymdastyryldy.

Qazaqstandyq hokkeıshiler Japonııamen oıyn barysynda jınaqy qımyl kórsetti. Nátıjesinde qurama kapıtany Evgenıı Rymarev 7, 27, Evgenıı Namestnıkov 29, Vladımır Grebenşıkov 44, Evgenıı Korolınskıı 59-mınýtta gol saldy.

Qurlyqtyq doda alǵash ret Halyqaralyq shaıbaly hokkeı federatsııasynyń (IIHF) qoldaýymen ótkizilip otyr.

Aıta ketsek, el quramasy buǵan deıin Ońtústik Koreıadan 1:4 esebimen jeńilse, Qytaıdan 6:1 esebimen basym tústi.

Azııa chempıonaty 2025 jyly 7-14 aqpan aralyǵynda Qytaıdyń Harbın qalasynda ótetin Azııa oıyndaryna daıyndyq jarystary retinde uıymdastyrylyp otyr.

Eske salsaq, shaıbaly hokkeıden Azııa chempıonatynda Qazaqstan áıelder quramasy qola aldy.

Qurlyqtyq doda 31 qazan men 3 qarasha aralyǵynda Qytaı astanasy Beıjiń qalasynda ótti.

Onda el quramasy buǵan deıin Qytaıdan 0:5, Japonııadan 0:8 esebimen jeńilse, býllıtten Ońtústik Koreıany 5:4 esebimen tize búktirgen edi.