Qazaqstan quramasy shahmattan áýesqoılar arasynda ekinshi oryn aldy

Omannyń astanasy Maskatta áýesqoılar arasynda shahmattan álem chempıonaty aıaqtaldy, dep habarlaıdy Kazinform agenttigi QR Týrızm jáne sport mınıstrliginiń baspasóz qyzmetine silteme jasap. 

Jarys Shveıtsarııa júıesi boıynsha ótti. Onda Qazaqstan quramasy 2 altyn medal jeńip alyp, jalpykomandalyq esepte 2-orynǵa taban tiredi.

23 jasqa deıingi shahmatshylar arasynda Ábilmansur Abdýlqaıyr (erler) jáne Arnash Baýyrjan (áıelder) chempıon atandy. Chempıonattyń úzdik quramasy 6 medali bar (onyń 4-eýi altyn) Mońǵolııa boldy. Júldeli úshinshi oryndy Úndistan quramasy (2 kúmis, 1 qola) ıelendi.

FIDE uıymdastyrǵan álem chempıonaty 3 jas sanatynda (U17, U20, U23) ótti.