Qazaqstan quramasy semserlesýden álem chempıonatynyń shırek fınalyna shyqty
ASTANA. KAZINFORM — Qazaqstan erler quramasy Gonkongta ótip jatqan semserlesýden álem chempıonatynda shırek fınalǵa joldama aldy.
Komandalyq shpaga saıysynyń 1/8 fınalynda qazaqstandyq semserlesýshiler Ózbekstan quramasyna qarsy tartysty kezdesý ótkizdi. Match 28:27 esebimen Qazaqstan quramasynyń paıdasyna aıaqtaldy.
Qazaqstan quramasy alǵashqy kezdesýinde Fınlıandııany 45:39 esebimen jeńdi. Endi Rýslan Kýrbanov, Erlik Sertaı, Vadım Sharlaımov jáne Kırıll Prohodovtan quralǵan komanda shırek fınalda Danııa quramasymen kezdesedi.
Aıta keteıik, búgin, 29 shildede, sablıa básekesinde áıelder arasynda komandalyq jarystar da ótip jatyr. Qazaqstan quramasynyń sapynda óner kórsetken Áıgerim Sarybaı, Anastasııa Gýlık jáne Qaısha Jánibek alǵashqy kezdesýinde Ýkraına quramasyna 33:45 esebimen ese jiberdi.
Eske salaıyq, buǵan deıin sadaq atýdan el chempıonatynda irikteý kezeńi máresine jetkenin jazǵanbyz.
