Qazaqstan quramasy sambodan álem chempıonatynda 3-oryn aldy

Erevanda sambodan 2023 jylǵy álem chempıonaty aıaqtaldy. Týrnır nátıjesinde Qazaqstan quramasy úshinshi orynǵa turaqtady, dep habarlaıdy Kazinform menshikti tilshisi.

Chempıonatta 65 elden 300-den astam sportshy 21 salmaq sanatynda óner kórsetti. Halyqaralyq sambo federatsııasy (FIAS) atqarý komıtetiniń sheshimimen Reseı, Belarýs, Frantsııa jáne bosqyndar komandalary beıtarap statýsta qatysty.

10-12 qarasha kúnderi ótken álemdik dodanyń qorytyndysy boıynsha Qazaqstan quramasy úshinshi oryn aldy (1 altyn, 2 kúmis, 5 qola medal). Ekinshi oryn Ózbekstanǵa (2 altyn, 1 kúmis, 3 qola), birinshi oryn beıtarap statýsta synǵa túsken reseılik sportshylarǵa (13 altyn, 2 kúmis, 3 qola) buıyrdy.

Qazaqstandyq sportshylardyń nátıjesi:

Altyn medal:

Araılym Ábenova (sporttyq sambo, 80 kg joǵary)

Kúmis medaldar:

Bajaeva Margarıta (sporttyq sambo, 50 kg deıin);

Qoıshybaev Elaman (sporttyq sambo, 88 kg deıin).

Qola medaldar:

Álmuhanbetova Gúldana (sporttyq sambo, 54 kg deıin);

Abatova Shynar (sporttyq sambo, 72 kg deıin);

Qýataı Arnur (sporttyq sambo, 71 kg deıin);

Zekenov Álibek (sporttyq sambo, 98 kg deıin);

Jıentaev Talǵat (jaýyngerlik sambo, 98 kg joǵary).

Aıta keteıik, sambodan 2024 jylǵy álem chempıonaty Qazaqstanda ótedi. Mundaı sheshim Halyqaralyq sambo federatsııasynyń kongresinde qabyldandy.