Qazaqstan quramasy sadaq atýdan Azııa kýbogynyń fınalyna shyqty

ASTANA. KAZINFORM – Sadaq atýdan Sıngapýrda ótip jatqan Azııa kýbogynyń kezeńinde Qazaqstan erler quramasy fınalǵa joldama aldy. 

Ulttyq olımpıadalyq komıtettiń málimetinshe, bloktyq sadaq atýdan komandalyq synda el namysyn Andreı Tıýtıýn, Dilmuhamed Musa jáne Býned Mırzametov qorǵap jatyr. 

Shırek fınalda ulttyq qurama Fılıppın komandasynan 229:223 esebimen basym tústi. 

Al jartylaı fınalda mergenderimiz Malaızııany bir upaı aıyrmashylyǵymen – 232:231 esebimen jeńip, sheshýshi kezeńge joldama aldy.

Aıta keteıik, fınalda Qazaqstan quramasy Úndistanmen kezdesedi.

Buǵan deıin Qazaqstan sadaq atýdan Azııa kýbogynyń kezeńinde qola júlde enshilegenin jazǵan edik.