Paradzıýdodan Qazaqstan quramasy Grand Prix týrnırinde top jardy
ASTANA.KAZINFORM — Astanada ótip jatqan paradzıýdodan Grand Prix týrnıri óz máresine jetti.
Ekinshi jarys kúni qazaqstandyqtar 6 altyn jáne 2 qola medal jeńip aldy.
J1 sanatynda Dınara Kýjýlova (70 keli), Abylaı Ádilbekov (95 keli) jáne Erlan Ótepov (+95 keli) jeńimpaz atandy. Al J2 sanaty boıynsha Erlan Konkıev (95 keli), Juqamyrza Shúkirbekov (+95 keli) jáne Aıdana Ǵazızqyzy (+70 keli) chempıon boldy.
Sondaı-aq, otandasymyz Talǵat Ájǵalıev (J2 - +95 keli) jáne Baǵlanbek Ońalbek (J1 - +95 keli) qola medal jeńip aldy.
Osylaısha, Qazaqstan quramasy jalpy esepte 14 medalmen (6 altyn, 4 kúmis, 4 Qola) birinshi orynnan kórindi.
Buǵan deıin habarlaǵanymyzdaı, jarysynyń alǵashqy kúninde Qazaqstan quramasy 6 medal jeńip aldy.
Aıtýly dodaǵa 15 memleketten 100-ge jýyq sportshy qatysyp jatyr, olar 10 salmaqta júlde jıyntyǵyn sarapqa salady.