Qazaqstan quramasy Ortalyq Azııa ashyq chempıonatynda júldeli oryndarǵa ıe bolýda

TAShKENT. KAZINFORM — Tashkentte Ózbekstan Kásipodaqtar federatsııasyna qarasty «Sý sporty saraıynda» sınhrondy júzýden «Sý hanshaıymy»(Cýv parısı) halyqaralyq týrnıri men I Ortalyq Azııanyń ashyq chempıonaty ótýde, dep habarlaıdy ÓzA. 

Jarystyń birinshi kúni «Sý hanshaıymy» halyqaralyq týrnıriniń mindetti baǵdarlamasynyń U12 jas sanatynda Anastasııa Gaıdına (Reseı), Darıa Berezneva (BAÁ) jáne Alısa Morkovına (Ózbekstan) jeńis tuǵyryna kóterilse, Prıntsessa-Anastasııa Mıhaılova (Reseı), Darıa Kochneva (Ózbekstan) jáne Velıka Stoınkova (Bolgarııa) U15 jasqa deıingi toptar arasynda úzdik úshtikke jaıǵasty.

Tehnıkalyq solo (eresekter) baǵdarlamasynda Valerııa Plehanova (Reseı) birinshi, Sabına Mahmýdova (Ózbekstan) ekinshi, Anastasııa Golovkova (Belarýs) úshinshi oryndy ıelendi. 

Kombo U15 jarystarynda Reseı quramasy jeńiske jetse, Ózbekstan men Belarýs 2-3-oryndardan kórindi. 

I Ortalyq Azııa ashyq chempıonatynda kelesi jeńimpazdar men júldegerler anyqtaldy:

Mindetti baǵdarlama – U12 

1-oryn – Evelına Belıakova (Qazaqstan) 

2-oryn – Alısa Morkovına (Ózbekstan) 

3-oryn – Azalııa Barantaeva (Qazaqstan) 

Mindetti baǵdarlama – U15 

1-oryn – Darıa Kochneva (Ózbekstan) 

2-oryn – Tahmına Zaırova (Qazaqstan) 

3-oryn – Sofııa Harchenko (Qazaqstan)

Mindetti baǵdarlama – (eresekter) 

1-oryn – Sabına Mahmýdova (Ózbekstan) 

2-oryn – Mýslıma Mahmýdjonova (Ózbekstan) 

3-oryn – Aqjan Muratova (Qazaqstan) 

Tehnıkalyq top (eresekter)

1-oryn – Qazaqstan 

2-oryn – Ózbekstan 1 

3-oryn – Ózbekstan 2

Kombo U12

1-oryn – Qazaqstan 1 

2-oryn – Ózbekstan 

3-oryn – Qazaqstan 2 

Kombo U15

1-oryn – Qazaqstan 1 

2-oryn – Qazaqstan 2 

3-oryn – Ózbekstan

Búgin, 16 mamyrda U12, U15 jáne eresekter arasynda erkin solo, tehnıkalyq dýet, tehnıkalyq mıkst jáne erkin toptyq baǵdarlamalar boıynsha ótken saıystardyń jeńimpazdary men júldegerleri belgili bolady.

Jarysta Ózbekstan, Reseı, Bolgarııa, Birikken Arab Ámirlikteri, Belarýs Respýblıkasy, Qazaqstan syndy elderden 200-ge jýyq sportshy sınhrondy júzýdiń túrli baǵdarlamalarynan júldeli oryndardy sarapqa salýda.

Eske sala keteıik, elordalyq sportshylar sınhrondy júzýden Dýbaıdaǵy halyqaralyq týrnırde top jardy.