Qazaqstan quramasy nysana kózdeýden Azııa chempıonatynda eki medal jeńip aldy

ASTANA. KAZINFORM – Úndistannyń Delı qalasynda nysana kózdeýden Azııa chempıonaty ótip jatyr.

Atalǵan baıraqty básekede Qazaqstan quramasy eki medalmen kózge tústi. QR UOK málimetinshe, Valerıı Rahymjan 10 metrden pnevmatıkalyq tapanshamen atýdan kúmis júldege ıe boldy.

Sonymen qatar otandastarymyz komandalyq saıystyń nátıjesinde qola júldeger atandy. Qurama sapynda Valerıı Rahymjan, Kırıll Fedkın, Eldar Imanqulov el namysyn qorǵady.

Osylaısha, Qazaqstan quramasynyń qorjynyna eki júlde tústi.

Aıta keteıik, Qazaqstan taekvondodan BAÁ-de ótip jatqan týrnırde 3 medal aldy.

Bıyl elimizde 20-dan astam iri halyqaralyq jarys ótedi.