Qazaqstan quramasy Mılan-2026 Olımpıadasyna taǵy 4 joldama ıelendi

ASTANA. KAZINFORM — Bıatlonnan 2025-2026 jylǵy maýsymdaǵy álem kýbogy kezeńderiniń nátıjesinde Qazaqstan komandasy 4 kvotaǵa qol jetkizdi, dep habarlaıdy Týrızm jáne sport mınıstrliginiń baspasóz qyzmeti.

— Sáıkesinshe, Mılan-Kortına oıyndarynda elimizden 2 er, 2 áıel synǵa túsedi. Osy tusta atalǵan joldama jekeleı sportshyǵa emes, Ulttyq federatsııaǵa berilgenin aıta ketken jón. Italııaǵa naqty kimderdiń baratynyn jaqynda Qazaqstan quramasynyń bapkerler keńesi jarııalaıdy, — delingen mınıstrlik taratqan aqparatta.

Qazir Qazaqstan enshisinde kelesi sport túrlerinen lıtsenzııa bar:

Konkımen júgirý sporty (12 lıtsenzııa) — Evgenıı Koshkın, Krıstına Sılaeva, Elızaveta Golýbeva, Nadejda Morozova, Arına Ilıaşenko.

Short-trek (9 lıtsenzııa) — Abzal Ájǵalıev, Denıs Nıkısha, Olga Tıhonova, ıAna Han.

Mánerlep syrǵanaý (2 lıtsenzııa) — Mıhaıl Shaıdorov, Sofıa Samodelkına.

Olımpıada lıtsenzııasyna qatysty qorytyndy aqparat qańtardyń aıaǵynda belgili bolady. XXV qysqy olımpııa oıyndary Mılan jáne Kortına-d’Ampetstso qalalarynda ótedi. Oǵan álemniń 93 elinen 3 500-den astam sportshy qatysady.

Osydan buryn qazaqstandyq telearnalar XXV qysqy Olımpıada oıyndaryn tikeleı efırde kórsetetinin jazǵanbyz.