Qazaqstan quramasy Mılan-2026 Olımpıadasyna taǵy 17 joldama ıelendi
ASTANA.KAZINFORM - Bıatlonnan 2025-2026 jylǵy maýsymdaǵy álem kýbogy kezeńderiniń nátıjesinde Qazaqstan komandasyna 4 sportshyǵa 17 lıtsenzııa bóldi. Sáıkesinshe, Mılan-Kortına oıyndarynda elimizden 2 er, 2 áıel synǵa túsedi. Bul týraly Týrızm jáne sport mınıstrligi habarlady.
Osy tusta atalǵan joldama jekeleı sportshyǵa emes, bıatlonnan Ulttyq quramaǵa berilgenin aıta ketken jón. Italııaǵa naqty kimderdiń baratynyn jaqynda Qazaqstan quramasynyń bapkerler keńesi jarııalaıdy.
Qazir Qazaqstan enshisinde kelesi sport túrlerinen lıtsenzııa bar:
Konkımen júgirý sporty (12 lıtsenzııa) - Evgenıı Koshkın, Krıstına Sılaeva, Elızaveta Golýbeva, Nadejda Morozova, Arına Ilıaşenko.
Short-trek (9 lıtsenzııa) - Abzal Ájǵalıev, Denıs Nıkısha, Olga Tıhonova, ıAna Han.
Mánerlep syrǵanaý (2 lıtsenzııa) - Mıhaıl Shaıdorov, Sofıa Samodelkına.
Jalpy esep boıynsha el qorjynyndaǵy joldama sany 40-qa jetti.
Olımpıada lıtsenzııasyna qatysty qorytyndy aqparat qańtardyń aıaǵynda belgili bolady.
XXV qysqy olımpııa oıyndary Mılan jáne Kortına-d’Ampetstso qalalarynda ótedi. Oǵan álemniń 93 elinen 3 500-den astam sportshy qatysady.
2026 jylǵy XXV qysqy Olımpıada oıyndarynyń bastalýyna az ýaqyt qaldy. Italııanyń Mılan men Kortına-d’Ampetstso qalalarynda ótetin dúbirli dodaǵa Qazaqstan quramasynyń qalaı daıyndalyp jatqany belgili boldy.
