️Qazaqstan quramasy Lıngvıstıkadan halyqaralyq olımpıadada tarıhı nátıje kórsetti
ASTANA. KAZINFORM — 2026 jylǵy 26 shilde men 2 tamyz aralyǵynda Rýmynııanyń Býharest qalasynda Lıngvıstıkadan halyqaralyq olımpıada (IOL) ótti.
Qazaqstan quramasynyń tórt múshesi de joǵary nátıje kórsetip, bir qola medal men úsh Qurmet gramotasyn ıelendi.
Qola medal ıegeri:
- Shyńǵys Qarasaev — Oral qalasyndaǵy jaratylystaný-matematıka baǵytyndaǵy NIS-tiń 12-synyp oqýshysy.
Qurmet gramotasynyń ıegerleri:
- Ramazan Býtantaev — Mańǵystaý oblysy Aqtaý qalasy boıynsha bilim bólimine qarasty Mamandandyrylǵan IT lıtseıiniń 11-synyp oqýshysy;
- Aslan Ájibaev — Pavlodar qalasyndaǵy jaratylystaný-matematıka baǵytyndaǵy NIS-tiń 12-synyp oqýshysy;
- Kırıll Týrgýmbaev — Qostanaı oblysy Jitiqara aýdany bilim bólimine qarasty Abaı atyndaǵy mektep-lıtseıiniń 11-synyp oqýshysy.
Osylaısha, Qazaqstan quramasynyń atalǵan olımpıadaǵa qatysý tarıhynda alǵash ret komanda músheleriniń barlyǵy marapatqa ıe boldy.
Eske salaıyq, buǵan deıin qazaqstandyq oqýshylar matematıka olımpıadasynda álemniń úzdik 25 quramasynyń qataryna engenin jazǵan edik.
