Qazaqstan quramasy quzǵa órmeleýden Azııa kýbogynyń kezeńinde synǵa túsedi
ASTANA. KAZINFORM — Sporttyq quzǵa órmeleýden Ońtústik Koreıanyń Kýnsan qalasynda ótetin Azııa kýbogynyń kezeńine qatysýshylardyń aldyn ala tizimi jarııalandy.
Erler arasynda Jandos Qalybaı, Matveı Esıpov, Vadım Ishmýhametov, Gleb Semeshkın, Azat Maıkotov el namysyn qorǵaıdy.
Áıelder arasyndaǵy básekede Vıktorııa Adamenko, Polına Andreeva, Aıhanym Aıdarhanqyzy, Anna Balarshına, Arına Novıtskaıa, Adelııa Ýtesheva óner kórsetedi.
Otandastarymyz "boýlderıng" jáne "jyldamdyq" básekesinde synǵa túsedi.
Aıta keteıik, tizimge ózgeris engizilýi múmkin. Jarys 31 qazan men 1 qarasha kúnderi ótedi.
Short-trekten álemdik týrdyń alǵashqy kezeńine kimder qatysatynyn jazǵan bolatynbyz.
