Qazaqstan quramasy kórkem júzýden álem kýbogynda ekinshi oryn aldy

ASTANA. KAZINFORM - Kórkem júzýden álem kýbogy kezeńiniń qorytyndysy boıynsha qazaqstandyq sportshylar álemdik reıtıngte 2-oryndy ıelendi.

Qytaıda kórkem júzýden álem kýbogynyń sońǵy kezeńi ótip jatyr. Alǵashqy kezeń Frantsııada, ekinshisi Egıpette, úshinshisi Kanadada boldy. Qorytyndy kezeńdi Qytaıdyń Sıan qalasy qabyldady.

Álem kýbogynyń tórt kezeńiniń qorytyndysymen Qazaqstan áıelder quramasy (ıAsmın Tuıaqova, Arına Pýshkına, Daıana Jamanchalova) álemdik reıtıngte ekinshi orynǵa taban tiredi.

Atalǵan jarysqa elimizdiń atynan 14 sportshy attandy. Dúbirli dodada 16 elden 125 adam júldelerdi sarapqa salyp jatyr.

Eske salsaq, qazaqstandyq sportshylar Frantsııada kórkem júzýden ótken álem kýbogynda altyn medal aldy.