Qazaqstan quramasy kórkem gımnastıkadan Rýmynııadaǵy týrnırge qatysady

ASTANA. KAZINFORM – 25-27 shilde aralyǵynda Rýmynııanyń Klýj-Napoka qalasynda kórkem gımnastıkadan World Challenge Cup týrnıri ótedi. 

Ulttyq olımpıadalyq komıtettiń habarlaýynsha, atalmysh týrnırge Qazaqstan quramasy da qatysady.

Jekeleı saıystarda Aıbota Ertaıqyzy men Aıym Meıirjanova baq synaıdy.

Al toptyq jattyǵýlarǵa qatysatyn qazaqstandyqtardyń tizimi tómendegideı:

- Aıda Hákimjanova

- Aızere Keńes

- Jasmın Júnisbaeva

- Krıstına Chepýlskaıa

- Aızere Nurmaǵambetova

- Madına Myrzabaı

Aıta keteıik, atalǵan Álem kýbogy Brazılııada ótetin álem chempıonatynyń aldyndaǵy sońǵy jarys bolmaq.

Osyǵan deıin Japonııadaǵy Azııa oıyndarynyń sporttyq baǵdarlamasy bekitilgenin habarlaǵan edik.