Qazaqstan quramasy kórkem gımnastıkadan Azııa chempıonatynda taǵy bir kúmis aldy
ASTANA. KAZINFORM - Qyrǵyzstanda ótip jatqan kórkem gımnastıkadan Azııa chempıonatynda toptyq saıysta óner kórsetken Ulttyq qurama 5 dop jattyǵýynyń fınalynda 26.30 upaı jınap, ekinshi oryn aldy dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Atalǵan baǵdarlamada 10 eldiń quramalary baq synap, ózara myqtyny anyqtaýda.
Nátıjesinde Qytaı quramasy 27.95 upaımen kósh bastady. Al úshinshi oryn Ońtústik Koreıaǵa (25.35) buıyrdy.
Eske sala keteıik, byltyrǵy Azııa chempıonatynda qyzdarymyz toptyq jattyǵýda 3 shyǵyrshyq jáne 2 jup urshyq saıysynda altyn medal jeńip alyp, 5 taspa básekesinde kúmis júldege qol jetkizgen bolatyn.
Sonymen qatar, bul jarys kúzde Japonııada ótetin Azııa oıyndaryna daıyndyq kezeńderiniń biri bolyp sanalady.
Osyǵan deıin kórkem gımnastıkadan Azııa chempıonatynda Qazaqstan toptyq kópsaıysta júlde alǵany týraly jazdyq.
