Qazaqstan quramasy qysqy Paralımpıadada 22-orynǵa taban tiredi

ASTANA. KAZINFORM — Qazaqstandyq parashańǵyshy Erbol Hamıtovtiń 2026 jylǵy qysqy Paralımpıada oıyndaryndaǵy qola júldesinen keıin elimiz medaldar kestesinde qaı orynǵa jaıǵasqany belgili boldy.

Medaldar kestesinde elimiz bir qola medalmen 22-orynǵa taban tiredi.

Qazaqstan quramasynyń kóshbasshylarynyń biri Erbol Hamıtov — para bıatlon men para shańǵy jarysynan álem chempıonattarynyń júldegeri jáne birneshe márte álem kýbogy kezeńderiniń jeńimpazy. 2022-2023 jylǵy maýsymda ol para shańǵy jarysynan álem chempıony atanyp, Qazaqstan tarıhynda osy jetistikke qol jetkizgen alǵashqy para sportshy boldy.

Al 2024-2025 jylǵy maýsym qorytyndysy boıynsha Erbol Hamıtov para bıatlonnan álem kýbogynyń jalpy esebinde jeńiske jetip, 31 jyldan keıin Qazaqstanǵa Hrýstal globýsty qaıta ákeldi.

Bul tizimde Qytaı — 21 (9 altyn, 5 kúmis, 7 qola) medalmen kósh basynda keledi. Odan keıingi oryndarda Aýstrııa (4-1-1) jáne Ýkraına (3-2-5) tur.

Sondaı-aq alǵashqy ondyqta AQSh, Italııa, Norvegııa, Ispanııa, Shvetsııa, Shveıtsarııa bar.
Qysqy Paralımpıada oıyndarynda Qazaqstan ulttyq quramasy para shańǵy jarysy men para bıatlon sport túrleri boıynsha el namysyn qorǵap jatyr.

Bıylǵy dúbirli dodada Qazaqstan quramasy para shańǵy jáne para bıatlon sport túrleri boıynsha el namysyn qorǵaıdy. Halyqaralyq arenada Qazaqstan atynan 7 sportshy synǵa túsedi. Olardyń qatarynda Erbol Hamıtov, Nurlan Álimov, Aleksandr Gerlıts, ıÝrıı Berezın, Vladıslav Kobal, Sergeı Ýsoltsev jáne Anna Gracheva bar.

Qurama sapyndaǵy eń jas sportshy — para shańǵy jarysynda óner kórsetetin 17 jastaǵy Vladıslav Kobal. Al komandanyń eń tájirıbeli ári jasy úlken múshesi — para shańǵy jáne para bıatlonnan baq synaıtyn Sergeı Ýsoltsevtiń jasy 51-ge keldi.