Qazaqstan quramasy qazirgi bessaıystan U17 álem chempıonatynda úzdik ondyqqa endi
ASTANA. KAZINFORM - Kaýnas qalasynda (Lıtva) qazirgi bessaıystan 17 jasqa deıingiler arasynda álem chempıonaty aıaqtaldy.
Temirlan Tólegenov jáne Berik Hamza Erler arasyndaǵy irikteý kezeńinde jáne jartylaı fınalda sátti óner kórsetip aqtyq synǵa shyqty. Nátıjesinde Temirlan 23-oryn, Berik 25-orynǵa turaqtady.
Sonymen qatar Berik Hamza jáne Temirlan Tólegenov komandalyq estafetada úzdik ondyqqa enip, altynshy orynnan kórindi. Al ıAna Bespalova jáne Sábına Ahmedınadan quralǵan áıelder komandasy 12-orynda jarysty aıaqtady.
Sondaı-aq otandastarymyz aralas komandalyq estafetada 13-orynǵa taban tiredi. Qurama sapynda ıAna Bespalova jáne Temirlan Tólegenov óner kórsetti.
Odan bólek, erler komandasy (Berik Hamza, Temirlan Tólegenov, Nurǵalı Ómirserik) komandalyq básekede segizinshi orynnan kórinse, áıelder komandasy (ıAna Bespalova, Sábına Ahmedına, Dıana Grents) 14-orynǵa ıe boldy.
Eske salaıyq, buǵan deıin qazaqstandyq eki balýan U17 álem chempıonatynyń qola júldesine talasatynyn habarlaǵanbyz.
