Qazaqstan quramasy karateden Azııa chempıonatynda birinshi oryn aldy
Almatydaǵy Balýan Sholaq atyndaǵy sport jáne mádenıet saraıynda ótken karateden eresekter arasyndaǵy I Azııa ashyq chempıonaty aıaqtaldy, dep habarlaıdy Kazinform.
Týrızm jáne sport mınıstrligi baspasóz qyzmetiniń málimetinshe, bıyl alǵash ret uıymdastyrylǵan jarysta Qazaqstan quramasynyń sportshylary 8 altyn, 8 kúmis jáne 14 qola medal oljalap, jalpykomandalyq esepte 1-orynǵa ıe boldy. Ekinshi orynǵa Iran (3 altyn, 2 kúmis, 3 qola) quramasy jaıǵassa, úzdik úshtikti 2 altyn júldemen Birikken Arab Ámirlikteri qorytyndylady.
Sary qurlyq dodasyna alys-jaqyn shetelden kelgen 10 quramadan 140-qa jýyq sportshy qatysty. Atap aıtqanda, Almaty tórinde Germanııa, Úndistan, Iran, Qazaqstan, Kýveıt, Qyrǵyzstan, Reseı, Túrikmenstan, Saýd Arabııasy, Birikken Arab Ámirlikteriniń eń myqty sportshylary synǵa tústi.
Jarystyń sońǵy kúninde komandalyq synda júldeler sarapqa salynyp, kýmıte baǵdarlamasynda Qazaqstan erler komandasy altyn, al áıelder qola júldege ıe boldy.
«Otandyq karateshilerdi I Azııa ashyq chempıonatynda kórsetken tamasha jetistigimen quttyqtaımyn. Munyń aldynda jas jetkinshekterimiz de úzdikter qatarynan kórinse, bul joly eresekter quramasy el mereıin tasytty. Mundaı iri jarysta, óz elimizde ótken baıraqty básekede úzdikterdiń úzdigi bolý qashanda mańyzdy. Sizder bul jetistikterińiz arqyly óskeleń urpaqqa zor úlgi kórsettińizder», - dedi Týrızm jáne sport mınıstri Ermek Marjyqpaev.
Básekede altyn medaldi Ulmeken Jalǵas (+68 kg), Bella Samasheva (55 kg), Daıana Darenskaıa (61 kg), Dıas Anarbekov (+84 kg), Jolaman Bıǵabyl (60 kg), Ersultan Táńirbergen (67 kg), Dıas Ulbek (84 kg) jeńip aldy.
Kúmis júlde kata boıynsha Lııa Qoshqarbaeva, Mádı Kateshov, kýmıteden Áıgerim Tursynbekova (50 kg), Gúlmıra Úsenova (61 kg), Nıkol Tsengel (61 kg), Darhan Tımralıev (60 kg), Ábilmansur Batyrǵalı (75 kg), Aıdos Muhatqa (67 kg) buıyrdy.
Sondaı-aq Erdos Kenjeǵalıev (kata), Arına ıAkýbına (+68 kg), Alına Sultanova (50 kg), Aqnıet Sherızat (50 kg), Aıjan Bakırova (61 kg), Venera Jaqsybaeva (68 kg), Mılana Vlasenko (68 kg), Aıbek Sharap (60 kg), Damır Nurbergen (75 kg), Azamat Marat (75 kg) jáne Nıkıta Tarnakın (84 kg) qola medal enshiledi.
