Qazaqstan quramasy Juniors Davis Cup týrnırin ekinshi orynmen aıaqtady
ASTANA. KAZINFORM — Qazaqstannyń jasóspirimder quramasy Asia/Oceania Final Qualifying Juniors Davis Cup týrnırin ekinshi orynmen aıaqtady. Bul týraly Qazaqstannyń tennıs federatsııasy málim etti.
Komanda buǵan deıin úzdik tórttikke enip, komandalyq álem chempıonatynyń fınaldyq kezeńine joldama alǵan bolatyn.
Buǵan deıin Qazaqstannyń jasóspirimder quramasy Junior Davis Cup týrnıriniń fınaldyq kezeńine shyqqanyn jazdyq.
Shymkentte ótip jatqan Azııa/Muhıt jaǵalaýy aımaqtyq irikteý týrnıriniń jartylaı fınalyna joldama alǵan otandastarymyz álemdik birinshiliktiń sheshýshi satysyna merziminen buryn ótti.
Shırek fınaldyq básekede Qazaqstan quramasy Gonkong komandasyn utty. Alǵashqy bolyp kortqa shyqqan Ahmadı Mahanov qarsylasy Takýto Matsýony 6:2, 6:3 esebimen qapy qaldyrdy. Odan keıingi kezdesýde Ańsar Nıetqalıev Choı Fý Vangtan 6:3, 6:4 esebimen basym túsip, jalpy eseptegi jeńisti bekitken bolatyn.
