Qazaqstan quramasy Irakta ótip jatqan Azııa kýbogynda altyn medal jeńip aldy
ASTANA. KAZINFORM — Qazaqstan erler quramasy Iraktyń Súleımanııa qalasynda ótip jatqan sadaq atýdan Azııa kýbogynda komandalyq saıysta jeńiske jetti. Otandastarymyz fınalda Bangladeshti 230:224 esebimen utty. Bul týraly UOK málim etti.
Qazirgi tańda Iraktyń Súleımanııa qalasynda sadaq atýdan Azııa kýbogy ótip jatyr. Týrnır aıasynda Qazaqstan erler quramasy bloktyq sadaq atýdan komandalyq saıysta jeńiske jetti. Otandastarymyz fınalda Bangladesh quramasymen kezdesip, 230:224 esebimen basym tústi.
Ulttyq qurama sapynda Nıkıta Ivlev, Pavel Kýznetsov, Islam Serikuly óner kórsetti.
Ulttyq olımpıada komıtetiniń málimetinshe, Azııa kýbogy 29 qazanda aıaqtalady.
Aıta keteıik, Jámıla Baqbergenova Astanadaǵy álem chempıonatynyń jartylaı fınalyna ótti.
