Qazaqstan quramasy IOI 2026 olımpıadasynda el namysyn qorǵaıdy
ASTANA. KAZINFORM – Qazaqstandyq oqýshylar ınformatıkadan IOI 2026 halyqaralyq olımpıadasyna qatysyp jatyr.
Tashkent qalasynda ınformatıkadan halyqaralyq olımpıada (International Olympiad in Informatics, IOI 2026) ótip jatyr. Álemniń úzdik jas baǵdarlamashylary bas qosqan bedeldi zııatkerlik dodaǵa 90 elden 360 oqýshy qatysyp jatyr.
Olımpıada barysynda qatysýshylar algorıtmdik oılaý, baǵdarlamalaý jáne kúrdeli esepterdi sheshý boıynsha bilimderi men daǵdylaryn kórsetedi.
Bıyl Qazaqstan atynan ınformatıka páninen respýblıkalyq olımpıadanyń tórt jeńimpazy óner kórsetýde:
Mansýr Mamadahýnov - Qyzylorda oblysyndaǵy daryndy balalarǵa arnalǵan «Bilim-ınnovatsııa» mamandandyrylǵan lıtseı-ınternatynyń 11-synyp oqýshysy;
Maksım Tsoı - Astana qalasyndaǵy «Spectrum» halyqaralyq mektebiniń 12-synyp oqýshysy;
Asqar Ákejan - Semeı qalasyndaǵy fızıka-matematıka baǵytyndaǵy NIS-tiń 12-synyp oqýshysy;
Aldııar Seıtbaı - Astana qalasyndaǵy daryndy balalarǵa arnalǵan «Bilim-ınnovatsııa» mamandandyrylǵan lıtseı-ınternatynyń 11-synyp oqýshysy.
Ulttyq qurama jetekshileri - respýblıkalyq jáne halyqaralyq olımpıadalardyń jeńimpazy Temirlan Satylhanov jáne Aıbek Qýanyshbaı.
Informatıkadan halyqaralyq olımpıada alǵash ret 1989 jyly Bolgarııada ótti. Qazaqstan bul dodaǵa 1999 jyldan beri qatysyp keledi. 2025 jyly Bolıvııada ótken olımpıadada ulttyq qurama úsh kúmis jáne bir qola medal jeńip aldy. Qazaqstandyq oqýshylar osy ýaqytqa deıin atalǵan olımpıadada barlyǵy 75 medal ıelendi.
Aıta ketelik 2026–2027 oqý jylynan bastap ne ózgeretini týraly jazǵan edik.
