Qazaqstan quramasy Futures Cup týrnırinde medaldar kestesinde qaı oryndy aldy
ASTANA. KAZINFORM -Taıland astanasy Bangkok qalasynda ótken Futures Cup halyqaralyq týrnırinde qaı elden qansha boksshy altyn medal alǵany belgili boldy.
Qazaqstandyq sportshylar halyqaralyq týrnırde 4 altyn, 4 kúmis, 3 qola medal jeńip aldy. Nátıjesinde medaldyq esepte ekinshi orynǵa ıe boldy.
Birinshi oryndaǵy Ózbekstan tórt altyn alǵanymen bizdiń quramadan bir kúmis júldesi artyq. Otandastarymyz taǵy bir tórt altyn júldege qol sozǵan AQSh quramasynan alǵa shyqty.
Jarysta Ózbekstan, Qazaqstan, AQSh - 4 altyn alsa, Anglııa, Frantsııa, Samoa, Úndistan, Italııa, Ýkraına, Japonııa, Grýzııa boksshylary bir-bir márte jeńis tuǵyryna kóterildi.
Otandastarymyz arasynan Dosjan Jumaqan (60 keli), Aıdana Ýbaıdýllaqyzy (80 keli), Hamza Maqsatuly (75 keli), Bıbarys Áshirbaı (70 keli) chempıon atandy.
Endi el quramasynan Kamıla Ospanova (70 keli), Jalǵas Ótebekov (90 keli), Tımýr Taıbekov (80 keli), /Vladıslav Samojonov (90 keliden joǵary) kúmis medal aldy.
Al Aqnur Tursynǵalı (57 keli), Zarına Tolybaı (75 keli), Nursultan Qystaýbaı (85 keli) jarysty qola júldemen aıaqtady.
